7 თებერვლის დილით, რუსეთმა უკრაინას 64 რაკეტითა და დრონით შეუტია, უკრაინის საჰაერო თავდაცვამ 44 მათგანი გაანადგურა, - ამის შესახებ ინფორმაციას უკრაინის საჰაერო ძალების სარდლობის პრესსამსახური ავრცელებს.

„2024 წლის 7 თებერვლის დილით, მტერმა უკრაინის ტერიტორიაზე საჰაერო თავდასხმის სხვადასხვა საშუალებების გამოყენებით რამდენიმე შეტევა განახორციელა. მათ შორის, უპილოტო საფრენი აპარატებით, ფრთოსანი, ბალისტიკური და საზენიტო მართვადი რაკეტებით“, - აცხადებს უკრაინის საჰაერო ძალები. რუსეთის თავდასხმების სამიზნეს კიევის, დნიპროპეტროვსკის, ლვოვის, მიკოლაევისა და ხარკოვის ოლქები წარმოადგენდა.

ბოლო მონაცემების მიხედვით, რუსების მიერ განხორციელებული სარაკეტო თავდასხმების შედეგად 1 ადამიანი დაიღუპა და 13 დაშავდა.