ჩემთვის სულ ერთია, ვინ წაიყვანს სხდომას - თუ „ნაცმოძრაობა” დამოუკიდებელ დეპუტატებს, ან ყოფილ სპიკერებს დაუთმობდა, ეს მათ უფრო კარგად წარმოაჩენდა თუნდაც, მომავალი კოალიციის კონფიგურაციაში,- ამის შესახებ „ევროოპტიმისტების“ დეპუტატმა ხატია დეკანოიძემ განაცხადა.

„ჩემთვის სულ ერთია ვინ წაიყვანს სხდომას. მე პირადად, ამ მიმართულებით, არანაირი დაინტერესება არ მაქვს. თუმცა, თუ „ნაციონალური მოძრაობა“, როგორც ყველაზე დიდი პარტია, ფრაქცია, დათმობებს გამოიჩენს და სხდომის წაყვანას დაუთმობდა ვთქვათ, დამოუკიდებელ დეპუტატებს ან ყოფილ სპიკერებს, ეს შეიძლება მათ უფრო კარგად წარმოაჩენდა თუნდაც, მომავალი კოალიციის კონფიგურაციაში. მე ასე ვფიქრობ. თუმცა, ჩემთვის სულ ერთია ვინ წაიყვანს სხდომას. მე ჩემს კითხვებს დავსვამ”, - განაცხადა დეკანოიძემ.

მთავრობის ახალ შემადგენლობას ფრაქცია „ნაციონალური მოძრაობა-გაერთიანებული ოპოზიცია“ და ოპოზიციური პოლიტიკური ჯგუფები ერთობლივი სხდომის ფორმატში უსმენენ. სხდომას არ ესწრებიან „ლელოს“ და პარტია „საქართველოსთვის“ დეპუტატები.