დავით შერაზადიშვილი იაპონიის საერთაშორისო თანამშრომლობის სააგენტოს (JICA) საქართველოს ოფისის მუდმივ წარმომადგენელს ჰიროიუკი მორის შეხვდა
ბოლნისის მუნიციპალიტეტის მერმა დავით შერაზადიშვილმა პირველ მოადგილე ბუბა გობეჯიშვილთან ერთად, იაპონიის საერთაშორისო თანამშრომლობის სააგენტოს (JICA) საქართველოს ოფისის მუდმივ წარმომადგენელს ჰიროიუკი მორისთან და ამავე ოფისის პროგრამების ოფიცერთან კონსტანტინე წერეთელთან სამუშო შეხვედრა გამართა. ინფორმაციას ბოლნისის მუნიციპალიტეტის მერიის საზოგადოებასთან ურთიერთობის განყოფილება ავრცელებს.
ამავე ცნობით, შეხვედრაზე მხარეებმა ბოლნისის მუნიციპალიტეტის სოფელ დისველში რძის წარმოების გაუმჯობესების პროექტი განიხილეს, რომელიც სოფელში 2022 წელს დაიწყო და მიზნად ისახავს იაპონური ცოდნის ადგილზე დანერგვის საშუალებით რძის ხარისხის გაუმჯობესებასა და რაოდენობის გაზრდას.
პროექტის ფარგლებში, სოფელ დისველში თებერვლის ბოლოს დაგეგმილია იაპონიიდან ექსპერტების ვიზიტი. ვიზიტის ფარგლებში, სოფელ დისველის ეკონომიკური გაძლიერების მიზნით, იაპონიის საერთაშორისო თანამშრომლობის სააგენტო ბოლნისის მუნიციპალიტეტის მერიასთან ურთიერთთანამშრომლობის მემორანდუმს გააფორმებს.
