ისრაელის თავდაცვის ძალები აცხადებს, რომ ღაზის სექტორში მდებარე ქალაქ ხან იუნისში ინტენსიური ბრძოლები გრძელდება.

ისრაელის თავდაცვის ძალების ცნობით, ისრაელის საჰაერო ძალებმა სარაკეტო დარტყმები ღაზის ცენტრალურ და ჩრდილოეთ ნაწილებში განახორციელა. ისრაელის სამხედროებმა ხან იუნისში „ჰამასის“ მებრძოლების ლიკვიდაცია განახორციელეს და „ჰამასის“ ობიექტები გაანადგურეს.

ასევე, დასავლეთ ხან იუნისში იარაღი და სამხედრო ტექნიკა ამოიღეს. ღაზის ჯანდაცვის სამინისტრომ განაცხადა, რომ ისრაელის საჰაერო იერიშების შედეგად 110 ადამიანი გარდაიცვალა, მათ შორის 25 რაფაჰში.