ავსტრალიის პრემიერ-მინისტრმა ჯულიან ასანჟის ავსტრალიაში დაბრუნების მოთხოვნის შესახებ პარლამენტის ინიციატივას მხარი დაუჭირა.

ავსტრალიის პრემიერ-მინისტრმა, ენტონი ალბანესმა „ვიკილიქსის“ დამფუძნებლის, ჯულიან ასანჟის ავსტრალიაში დაბრუნების მოთხოვნის შესახებ პარლამენტის ქვედა პალატის ინიციატივას მხარი დაუჭირა.

ინიციატივა დამოუკიდებელმა დეპუტატმა, ენდრიუ უილკიმ წამოაყენა, რომელსაც მხარი 86-მა კანონმდებელმა დაუჭირა, ხოლო 42 მის წინააღმდეგ წავიდა. კონსერვატიული ოპოზიციური კოალიციის წევრების უმეტესობამ ინიციატივას მხარი არ დაუჭირა.

„ეს პროცესი დიდი ბრიტანეთისა და აშშ-ის მთავრობას ძლიერ პოლიტიკურ სიგნალს გაუგზავნის“, - განაცხადა უილკიმ კენჭისყრის წინ.

ცნობისთვის, მომავალ კვირას ლონდონის უზენაეს სასამართლოში ჯულიან ასანჟის ექსტრადიციის საქმეზე მოსმენა გაიმართება.