ნატო-მ ის წევრებიც უნდა დაიცვას, რომლებიც თავდაცვაზე ცოტას ხარჯავენ, - ამის შესახებ ნატო-ს გენერალურმა მდივანმა, იენს სტოლტენბერგმა ნატო-ს თავდაცვის მინისტრების შეხვედრის დაწყების წინ განაცხადა.

„მე-5 მუხლი, ვალდებულება, რომ ერთ-ერთ მოკავშირეზე თავდასხმა ყველაზე თავდასხმას ნიშნავს - ალიანსის გულს წარმოადგენს. ეს ვალდებულება ყველა მოკავშირე სახელმწიფოზე ვრცელდება“, - განაცხადა იენს სტოლტენბერგმა.

ნატო-ს გენერალურმა მდივანმა აღნიშნა, რომ თავდაცვის ხარჯების გაზრდის ვალდებულება ყველა ევროპულმა სახელმწიფომ აიღო და 2024 წელს, იმ სახელმწიფოების რაოდენობა, რომლებიც ამ მიზანს მიაღწევენ, რეკორდულ ნიშნულს მიაღწევს. „

ჩვენ მივესალმებით იმას, რომ ევროპელი მოკავშირეები უფრო მეტ ინვესტიციას ახორციელებენ. ეს არის ის, რაზეც ჩვენ უკვე დიდი ხანია ვმუშაობთ. ეს ევროპასა და აშშ-ს შორის რაიმე სახის განხეთქილებას არ ნიშნავს“, - აღნიშნა ნატო-ს გენერალურმა მდივანმა.