რუსეთის სახელმწიფო დუმის თავმჯდომარე - ამერიკელებს პრეზიდენტად პუტინი სურთ, მაგრამ არ ჰყავთ! ის ჩვენ გვყავს!

ამერიკელებს პრეზიდენტად პუტინი სურთ, მაგრამ ის ჩვენ გვყავს! - ამის შესახებ რუსეთის სახელმწიფო დუმის თავმჯდომარემ ვიაჩესლავ ვოლოდინმა სახელმწიფო დუმის სხდომაზე განაცხადა.

„ამერიკაში სურთ, რომ პრეზიდენტად პუტინი ჰყავდეთ. მაგრამ არ ჰყავთ! ის ჩვენ გვყავს! მათ კი ბაიდენი ჰყავთ. ხედავთ, სასჯელი მათთვის”, - განაცხადა ვოლოდინმა.

სახელმწიფო დუმის თავმჯდომარემ ასევე შეკრებილებს მიმართა და განაცხადა, რომ რუსეთის მომავალი მხოლოდ პუტინთან ერთად არის, ვინაიდან რუსეთი მასთან ერთად „განვითარდება“ და „ძლიერი იქნება“.

ვოლოდინმა ასევე აღნიშნა, რომ რუსებმა უნდა დააფასონ, რომ „პუტინმა საჯაროობის, შეჯიბრის, კონკურენციის გარემო შექმნა“, მაგრამ ამავდროულად საპრეზიდენტო არჩევნებში სხვა კანდიდატებს ყურადღება არ უნდა მიაქციონ და მხოლოდ პუტინს მისცენ ხმა.