საფრანგეთსა და უკრაინას შორის გაფორმებული უსაფრთხოების შეთანხმება ამბიციურია, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

„ეს ამბიციური, ძალიან მნიშვნელოვანი უსაფრთხოების შეთანხმებაა. ჩვენ ყველა დეტალის შესახებ ღიად საუბარი არ შეგვიძლია“, - განაცხადა ვოლოდიმირ ზელენსკიმ.

უკრაინის პრეზიდენტი, ვოლოდიმირ ზელენსკი პარასკევს ფრანგ კოლეგას, ემანუელ მაკრონს შეხვდა და უსაფრთხოების სფეროში თანამშრომლობის შესახებ შეთანხმებას მოაწერა ხელი.

უკრაინის პრეზიდენტმა მსგავსი შეთანხმება გუშინ გერმანიასთანაც გააფორმა.

„თითოეული შეთანხმება უკრაინას თავისებურად აძლიერებს“, - აღნიშნა უკრაინის პრეზიდენტმა.