ნიკოლ ფაშინიანი - სომხეთი უკრაინის საკითხში რუსეთის მოკავშირე არ არის
დიდი ხანია ვამბობ, რომ სომხეთი არ არის რუსეთის მოკავშირე უკრაინის საკითხში. და ეს არის ჩვენი გულწრფელი პოზიცია, - ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.
მისი თქმით, სომხეთი განიცდის იმ ფაქტს, რომ არსებულ სიტუაციაზე გავლენის მოხდენა არ შეუძლია.
„ძალიან გვტკივა, რომ ამ სიტუაციაზე გავლენის მოხდენა არ შეგვიძლია. უკრაინელი ხალხი ჩვენთვის მეგობრული ხალხია“, - განაცხადა ფაშინიანმა გერმანიაში სომხური დიასპორის წარმომადგენლებთან შეხვედრაზე.
მისი თქმით, სომხეთის საგარეო პოლიტიკური ამოცანა ტერიტორიული მთლიანობის, დამოუკიდებლობისა და სუვერენიტეტის შენარჩუნებაა.
„ევროკავშირთან და ზოგადად ყველა ჩვენს დასავლელ პარტნიორთან ურთიერთობაში მე მნიშვნელობას ვანიჭებ არა მხოლოდ მატერიალურ, არამედ ღირებულებებზე დამყარებულ ურთიერთობებს. ჩვენ უნდა ვიმოქმედოთ იქიდან გამომდინარე, მნიშვნელოვანია თუ არა ჩვენთვის დემოკრატია. ჩვენი ურთიერთობები ევროკავშირთან დღეს დემოკრატიის წყალობით ვითარდება. ევროკავშირი მხარს გვიჭერს დემოკრატიის საკითხში და ჩვენ ასევე ვსწავლობთ რა არის დემოკრატია“, - განაცხადა ფაშინიანმა.
v-if="article.gallery" v-html="article.gallery"
