რუსული მხარის ინფორმაციით, ბრიანსკის ოლქში დრონებით თავდასხმა განხორციელდა
რუსეთის საჰაერო თავდაცვის საშუალებებმა ბრიანსკის ოლქის თავზე სამი უკრაინული დრონი ჩამოაგდეს, - ინფორმაციას რუსეთის თავდაცვის სამინისტრო ავრცელებს.
„საჰაერო თავდაცვის სისტემებმა ბრიანსკის ოლქის ტერიტორიაზე ყველა უპილოტო საფრენი აპარატი გაანადგურეს“, - აცხადებენ უწყებაში.
ამასთან, რეგიონის გუბერნატორმა ალექსანდრე ბოგომაზმა „ტელეგრამ“ არხზე განმარტა, რომ თავდასხმის შედეგად არავინ დაშავებულა და დაზიანება და ნგრევა არ მომხდარა.
