პაატა მანჯგალაძე - რისკები სააკაშვილის უსაფრთხოებასთან დაკავშირებით გაზრდილია - თქვენ ადგილას არხეინად არ ვიქნებოდი და ვიფიქრებდი, რომ სააკაშვილთან დაკავშირებით სხვა ზომები ყოფილიყო მიღებული
რისკები სააკაშვილის უსაფრთხოებასთან დაკავშირებით გაზრდილია, ეს არ არის ციდან მოტანილი, პუტინს გრძელი ხელები აქვს და ყველგან სწვდება, თქვენ ადგილას არხეინად არ ვიქნებოდი, - ამის შესახებ ოპოზიციონერმა დეპუტატმა, პაატა მანჯგალაძემ პარლამენტის პლენარულ სესიაზე განაცხადა.
პაატა მანჯგალაძე ნავალნის გარდაცვალების საკითხს შეეხო და აღნიშნა, რომ სააკაშვილის უსაფრთხოებასთან დაკავშირებით რისკები გაზრდილია.
„რაც შეეხება ნავალნისთან დაკავშირებით, მთელი მსოფლიოა შეთანხმებული, რომ რუსეთი კაცის მკვლელი რეჟიმია, მე არავის სიკვდილი არ მიხარია მართლაც, რა განცხადებაც არ უნდა გაეკეთებინა საქართველოსთან დაკავშირებით, მე პირდაპირ ვამბობ, რომ რეჟიმის მსხვერპლია ნავალნი და სააკაშვილი და ნავალნი ერთმანეთთან პუტინმა გაათანაბრა, ეს რუსული წარმოშობის სააკაშვილიაო.
რისკები სააკაშვილის უსაფრთხოებასთან დაკავშირებით გაზრდილია, ეს არ არის ციდან მოტანილი, პუტინს გრძელი ხელები აქვს და ყველგან სწვდება, თქვენ ადგილას არხეინად არ ვიქნებოდი და ვიფიქრებდი იმაზე, რომ სააკაშვილთან დაკავშირებით სხვა ზომები ყოფილიყო მიღებული, არ გვინდა მუდმივი შიში და ტერორი, წინ გავიხედოთ, შევიდეთ ევროპაში და ავაშენოთ მშვიდობიანი, ძლიერი საქართველო“, - განაცხადა მანჯგალაძემ.
v-if="article.gallery" v-html="article.gallery"
