უკრაინის საჰაერო ძალებმა რუსული „სუ -34“ ჩამოაგდეს. - ამის შესახებ ინფორმაციას უკრაინის საჰაერო ძალების მეთაური, ნიკოლაი ოლეშჩუკი ავრცელებს.

„მინუს ერთი, ჩვენ მუშაობას ვაგრძელებთ. „სუ-34“-ის ეკიპაჟი ჩვენს რუბრიკას, „მარადიული ფრენა, ძმებო!“, უერთდება“, - განაცხადა ნიკოლაი ოლეშჩუკმა.

უკრაინული მედიის ცნობით, უკრაინელმა სამხედროებმა რუსული გამანადგურებელ-ბომბდამშენი აღმოსავლეთის მიმართულებით ჩამოაგდეს.

„რუსულ დათვს პატარა ნაჭრებად შევჭამთ. ერთად - გამარჯვებამდე! P.S. ჭორები ვრცელდება, რომ ბოლო დროს ცუდ ხასიათზე ვარ. ამის უფლება არ მაქვს! ასეთი საბრძოლო მოქმედებებით, ეს უბრალოდ მშვენიერია!“, - აღნიშნა ოლეშჩუკმა.