სირიის სახელმწიფო მედია - ისრაელის თავდასხმის შედეგად დამასკოში 2 ადამიანი დაიღუპა
ისრაელის თავდასხმის შედეგად დამასკოში 2 ადამიანი დაიღუპა, - ამის შესახებ ინფორმაციას სირიის სახელმწიფო მედია ავრცელებს.
„ისრაელის სარაკეტო დარტყმების სამიზნე დედაქალაქ დამასკოს კაფრ სუსას საცხოვრებელი უბანი იყო“, - აცხადებს სირიის სახელმწიფო ტელევიზია.
ადგილობრივი მედიის ცნობით, სარაკეტო დარტყმა ირანული სკოლის მახლობლად მდებარე საცხოვრებელ კორპუსზე განხორციელდა.
