ევროპა ჩინეთის განვითარებას რაციონალურად აღიქვამს, - ამის შესახებ ჩინეთის საგარეო საქმეთა მინისტრმა, ვანგ იიმ განაცხადა.

„ვგრძნობ, რომ ჩინეთის მიმართ ევროპის რაციონალური აღქმა იზრდება. მას სჯერა, რომ ჩინეთის განვითარება ისტორიის ლოგიკას შეესაბამება და ევროპას ამის არ უნდა ეშინოდეს, რომ აღარაფერი ვთქვათ მისი უარყოფის შესახებ“, - განაცხადა ჩინეთის საგარეო საქმეთა მინისტრმა, ვანგ იიმ.

ვანგ იიმ აღნიშნა, რომ ევროპა ჩინეთთან პრაქტიკული თანამშრომლობის გაღრმავებას დიდი ენთუზიაზმით უყურებს.

„ნდობაზე დამყარებულ ურთიერთდამოკიდებულებას ყველა მხარისთვის სარგებელი მოაქვს და საერთო განვითარებას აჩქარებს“, - აღნიშნა ვანგ იიმ.