გუშინ იყო წამოცდენების დღე. ჯერ თემურ ჯანაშიამ თქვა, რომ სააკაშვილმა წინარევოლუციურ პროცესებში უნდა მიიღოს მონაწილეობაო, მიუხედავად იმისა, რომ ძალიან სცადა წამყვანმა, ასეთი რამ არ ეთქვა, მაინც წამოსცდა და შემდეგ აღმოჩნდა, რომ ზაფხულში მამუკა ხაზარაძე რაღაცას გვპირდება, - ამის შესახებ საპარლამენტო უმრავლესობის ლიდერმა მამუკა მდინარაძემ ჟურნალისტებს განუცხადა.

მისივე თქმით, მამუკა ხაზარაძე შემდეგ „თავად შეაშინა ამ წამოცდენამ, იმიტომ, რომ ვიდეო აქვს გამოქვეყნებული, რომელშიც სიტყვა „ზაფხული“ აქვთ ამოჭრილი“.

„გუშინ იყო წამოცდენების დღე. ჯერ ჯანაშიამ თქვა, რომ სააკაშვილმა წინარევოლუციურ პროცესებში უნდა მიიღოს მონაწილეობაო, მიუხედავად იმისა, რომ ძალიან სცადა წამყვანმა, რომ ასეთი რამ არ ეთქვა, მაინც წამოსცდა, და შემდეგ აღმოჩნდა, რომ ზაფხულში მამუკა ხაზარაძე რაღაცას გვპირდება. ოღონდ მერე თავად შეაშინა ამ წამოცდენამ, როგორც ჩანს, იმიტომ, რომ ვიდეო აქვს გამოქვეყნებული, რომელშიც სიტყვა „ზაფხული“ აქვთ ამოჭრილი. ეს ხომ შემთხვევითი არ არის. ქვეცნობიერი იმდენად ძლიერი რამ არის, რომ ვერ გაურბიან ამ ქვეცნობიერს. რევოლუციას, ჩვენ რომ ვამბობთ, ვითომ ირონიულად უყურებენ ამ თემას და წინა რევოლუციურ პროცესებზე საუბრობს ჯანაშია და შემდეგ ხაზარაძეს ზაფხულში აქვთ რაღაცის იმედი, როგორც ჩანს, იმიტომ, რომ ამ წამოცდენის შემდეგ თავადვე თავის გვერდზე დადებულ ვიდეოში ეს სიტყვა „ზაფხული“ ამოიღო. მას ჰკითხეთ ახლა ეს ზაფხული რა შუაშია“, - განაცხადა მდინარაძემ.