სამხრეთ კორეაში, ექიმების გაფიცვის გამო, ქვეყნის რამდენიმე საავადმყოფოში განგაშის წითელი დონე გამოცხადდა.

Reuters-ის ინფორმაციით, მიმდინარე კვირაში სამხრეთ კორეელი ახალგაზრდა ექიმების 2/3-ზე მეტი გაიფიცა.

მედიის ინფორმაციით, ექიმების პროტესტი სამხრეთ კორეის მთავრობის გადაწყვეტილებამ გამოიწვია, როლის მიხედვითაც, ქვეყანაში ჯანდაცვის სისტემის გაუმჯობესების მიზნით სამედიცინო სასწავლებლებში სტუდენტების დიდ ნაკადს მიიღებენ.

ამასთან, სამედიცინო სფეროში დასაქმებულები უკეთეს ანაზღაურებასა და სამუშაო პირობებს ითხოვენ. სამხრეთ კორეის ხელისუფლება იმ ექიმებს, რომლებიც განსაკუთრებით მძიმე პაციენტებს უვლიან, დაუყოვნებლივ სამუშაო ადგილებზე დაბრუნებისკენ მოუწოდებს, წინააღმდეგ შემთხვევაში მათ პატიმრობა ელით.