იმედი მაქვს, რომ აშშ-ის საპრეზიდენტო არჩევნებში ჯო ბაიდენი გაიმარჯვებს, - ამის შესახებ ბრაზილიის პრეზიდენტმა, ლუის ინასიო ლულა და სილვამ ადგილობრივ ტელეარხს, RedeTV-ის განუცხადა.

“მიუხედავად იმისა, რომ მე ამერიკელი ამომრჩეველი არ ვარ, ვფიქრობ, ნათელია, რომ მსოფლიოსა და აშშ-ში დემოკრატიის გადარჩენის უფრო დიდ გარანტიას ჯო ბაიდენი წარმოადგენს”, - განაცხადა ლულამ.

“მისი საპრეზიდენტო ვადის დაწყების დღიდან, ბაიდენი მუშების უფლებებს იცავს. იმედი მაქვს არჩევნებში ბაიდენი გაიმარჯვებს”, - აღნიშნა ბრაზილიის პრეზიდენტმა.

ცნობისთვის, გასული წლის სექტემბერში, ბაიდენმა და ლულამ მუშების უფლებების გასაუმჯობესებლად ახალი ინიციატივა წამოიწყეს და ისეთ საკითხებზე შეთანხმდნენ, როგორიც მწვანე ენერგიაზე გადასვლაა.