[ზურა აზარაშვილის მიერ თანამდებობის დატოვება] არავითარ შემთხვევაში არ უკავშირდება რესპუბლიკურთან დაკავშირებულ საკითხებს. არავითარი კავშირი და პარალელი აქ არ არსებობს, - ამის შესახებ ჯანმრთელობის დაცვისა და სოციალურ საკითხთა კომიტეტის თავმჯდომარემ ზაზა ლომინაძემ ჟურნალისტებთან განაცხადა, რითაც უპასუხა კითხვას ჯანდაცვის მინისტრის, ზურაბ აზარაშვილის თანამდებობის დატოვებასთან დაკავშირებით.

მისივე თქმით, ჯერჯერობით მისი მოვალეობის შემსრულებელი მინისტრის პირველი მოადგილე იქნება.

„ბატონმა მინისტრმა თავად მიიღო ეს გადაწყვეტილება, რომ დაეტოვებინა თანამდებობა. გუნდში ამაზე მსჯელობა და არავითარი წინაპირობა მანამდე არ ყოფილა. არავითარი მიზეზი არ იყო. არავითარ შემთხვევაში არ უკავშირდება რესპუბლიკურთან დაკავშირებულ საკითხებს. არავითარი კავშირი და პარალელი აქ არ არსებობს. თვითონ მინისტრმა გადაწყვიტა ასე. ცვლილება ხდება ჩვეულებრივად. ჯერჯერობით მისი მოვალეობის შემსრულებელი იქნება მისი პირველი მოადგილე. შემდეგ ვნახავთ, გუნდში ვიმსჯელებთ”, - განაცხადა ზაზა ლომინაძემ.

ცნობისთვის, მთავრობის ადმინისტრაციის მიერ გავრცელებული ინფორმაციის თანახმად, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ზურაბ აზარაშვილმა თანამდებობა დატოვა.

მათივე ცნობით, აზარაშვილმა თანამდებობიდან გადადგომის გადაწყვეტილება საქართველოს პრემიერ-მინისტრ ირაკლი კობახიძესთან საუბრის შემდეგ მიიღო.