გიორგი ამილახვარი - ოპონენტებს არ მოსწონთ არაფერი სიახლე, რასაც განსაკუთრებით წელს გავაკეთებთ - დავაანონსებ, რომ ყველაფერს არჩევნებს დაუკავშირებენ

ოპონენტებს არ მოსწონთ არაფერი სიახლე, რასაც განსაკუთრებით წელს გავაკეთებთ. დავაანონსებ, რომ ყველაფერს არჩევნებს დაუკავშირებენ, - ამის შესახებ საქართველოს განათლების, მეცნიერებისა და ახალგაზრდობის მინისტრმა გიორგი ამილახვარმა განაცხადა, რითაც უპასუხა კითხვას არის თუ არა სტუდენტებისთვის ანაზღაურებადი სტაჟირების პროგრამა საარჩევნოდ გათვლილი.

როგორც მინისტრმა განმარტა, აბსურდია აღნიშნული მოსაზრება, რომ ანაზღაურებადი სტაჟირების პროგრამა არჩევნებს უკავშირდება.

“ეს ნარატივი გასაგებია. ოპონენტებს არ მოსწონთ არაფერი სიახლე, რასაც განსაკუთრებით წელს გავაკეთებთ. დავაანონსებ, რომ ყველაფერს არჩევნებს დაუკავშირებენ.

სრული აბსურდია. მსგავსი სხვადასხვა სტაჟირების პროგრამა სხვადასხვა უწყებაში ინდივიდუალურად ხორციელდებოდა, წელს ერთ უწყებას, ჩვენ დაგვევალა ამ დიდი მასშტაბური დასაქმების პროგრამის კოორდინაცია და განხორციელება. საარჩევნო წელი იქნება, თუ არასაარჩევნო, “ქართული ოცნება” მრავალი წელია ადასტურებს, რომ ზრუნავს როგორც ახალგაზრდებზე, ისე მოქალაქეებზე”,- აღნიშნა მინისტრმა.

მირიან  მირიანაშვილი - ტრამპს არ მიეცემა საშუალება და ეს დღეს თვალნათლივ ჩანს, რუსეთთან პოლიტიკური ზავი იმდაგვარ ფორმატში დაიდოს, რომელიც რაიმენაირად ზიანს მიაყენებს უკრაინაში დასავლეთის ინტერესებს
ქართული პრესის მიმოხილვა 19.05.2025
გაიზომე წნევა დღესვე - 17 მაისი ჰიპერტენზიასთან ბრძოლის საერთაშორისო დღეა