დავით უსუფაშვილის განცხადებით, „ქართულმა ოცნებამ“ ცესკოს თავმჯდომარესთან დაკავშირებით „იმ ტიპის წარმოუდგენელი კონსპირაცია და ტყუილი მოიფიქრა, რომლისაც ისტორიაში ყველაზე უფრო დიდ მატყუარებსაც შეშურდებოდა“
„ლელოს“ ერთ-ერთი ლიდერის, დავით უსუფაშვილის განცხადებით, "ქართულმა ოცნებამ" ცესკოს თავმჯდომარესთან დაკავშირებით იმ ტიპის წარმოუდგენელი კონსპირაცია და ტყუილი მოიფიქრა, რომლისაც ისტორიაში ყველაზე უფრო დიდ მატყუარებსაც შეშურდებოდა.
მისი თქმით, მმართველი გუნდის წევრები ცდილობენ გამოიგონონ ისეთი ტყუილი, რომელზეც მოსახლეობა იტყვის: „ამას როგორ იკადრებდა“.
როგორც უსუფაშვილი აღნიშნავს, საარჩევნო კოდექსში შეტანილი ცვლილებები, რასაც პრეზიდენტმა ვეტო დაადო, კიდევ ერთი მკაფიო მაგალითია იმისა, რომ „ქართული ოცნება" ელექტორალურად შეშინებულია.
„ხდება ასეთი ცვლილებების განხორციელება და არსი არის, რომ თურმე ვიღაც აპირებს ცესკოს თავმჯდომარის წინააღმდეგ რაღაც უბედურებას, მერე ხელში უნდა ჩაიგოს მისი თანამდებობა. იმ ტიპის წარმოუდგენელი კონსპირაცია და იმ ტიპის ტყუილია, რომელიც შეშურდებოდა ისტორიაში ყველაზე უფრო დიდ მატყუარებს არა მხოლოდ საქართველოში. ისინი ცდილობენ გამოიგონონ ისეთი ტყუილი, რომელზეც მოსახლეობა იტყვის, რომ „ამას როგორ იკადრებდა" და კადრულობენ. ამ ნაბიჯებით, რა თქმა უნდა, არ უმჯობესდება საარჩევნო გარემო, მაგრამ ჩვენ "ლელო" და არა მხოლოდ "ლელო", ყველაფერს გავაკეთებთ, რომ ამ ტიპის ქმედებების მიუხედავად, მოსახლეობამ დაიჯეროს, რომ არჩევნების გზით ცვლილება შესაძლებელია, მოსახლეობამ დაიჯეროს, რომ მისი ყოველი ხმის დასაცავად ვიქნებით მართლა გაერთიანებული," - განაცხადა უსუფაშვილმა.
v-if="article.gallery" v-html="article.gallery"
