მზად ვართ, ევროკავშირსა და მერკოსურს შორის შეთანხმებას ხელი დღესვე მოვაწეროთ, - ამის შესახებ ბრაზილიის პრეზიდენტმა, ლუის ინასიო ლულა და სილვამ ესპანეთის პრემიერ-მინისტრთან, პედრო სანჩესთან შეხვედრისას განაცხადა.

„ჩვენ მზად ვართ, რომ მერკოსურის შეთანხმებას ხელი დღესვე მოვაწეროთ, მაგრამ საფრანგეთს ფერმერებთან გარკვეული პრობლემები აქვს“, - განაცხადა ლულამ.

ლულამ აღნიშნა, რომ შეთანხმება ორივე მხარეს ესაჭიროება და საფრანგეთის პოზიციამ ამას ხელი არ უნდა შეუშალოს.

ესპანეთის პრემიერ-მინისტრმა, პედრო სანჩესმა იმედი გამოთქვა, რომ შეთანხმების მიღწევა სწრაფად მოხდება.