ჯო ბაიდენი აშშ-ის კონგრესს მიმართავს

ჯო ბაიდენი, ხვალ, აშშ-ის კონგრესს მიმართავს. თეთრი სახლის პრესმდივანმა, კარინ ჟან-პიერმა განაცხადა, რომ კონგრესში „ქვეყანაში არსებული მდგომარეობის შესახებ“ ყოველწლიური მიმართვისას ჯო ბაიდენი უკრაინის დახმარების საკითხის შესახებაც ისაუბრებს.

„უკრაინასთან დაკავშირებით, რა თქმა უნდა, პრეზიდენტი გააგრძელებს იმის მოთხოვნას, რომ წარმომადგენელთა პალატის „რესპუბლიკელები“ წინ წავიდნენ და სპიკერმა ეროვნული უსაფრთხოების საჭიროებების დამატებითი დაფინანსების კანონპროექტი წარადგინოს“, - განაცხადა კარინ ჟან-პიერმა.

აშშ-ის კონგრესში ჯო ბაიდენის გამოსვლა პარასკევს, თბილისის დროით, 06:00 საათზე დაიწყება.