ჯემალ გამახარია - აფხაზეთის უმაღლესი საბჭო აფხაზეთის კონსტიტუციაზე მუშაობს - ჩვენ არც ფედერაციას და არც კონფედერაციას არ ვიხილავთ

აფხაზეთის ავტონომიური რესპუბლიკის უმაღლესი საბჭოს თავმჯდომარის ჯემალ გამახარიას ინფორმაციით, აფხაზეთის უმაღლესი საბჭო აფხაზეთის კონსტიტუციაზე მუშაობს.

როგორც გამახარია განმარტავს, ეს არის “მომავალი აფხაზეთის“ კონსტიტუციის პროექტი და ჯერ მისი საჯაროდ და სახალხოდ განხილვის დრო დამდგარი არ არის.

მისივე თქმით, “მას შემდეგ რაც დადგება დრო იმისა, რომ აფხაზებთან მოლაპარაკების მაგიდას მივუსხდებით, ქართულ მხარეს უნდა ჰქონდეს არა ცარიელი სიტყვები ფართო ავტონომიის მინიჭების თაობაზე, არამედ კონკრეტული დოკუმენტი“.

“ჩვენ ევროპულ გამოცდილებას ვსწავლობთ თუ როგორ გვარდება ევროპაში მსგავსი პრობლემები. ამ შემთხვევაში მთავარია არა ფედერაცია თუ კონფედერაცია, არამედ მთავარია უზრუნველყოფილი იყოს საქართველოს ტერიტორიული მთლიანობა, მისი ურყეობა და ხელშეუხებლობა.

ჩვენ არც ფედერაციას და არც კონფედერაციას არ ვიხილავთ - ჩვენ ვიხილავთ საკითხს თუ როგორ უზრუნველყოთ ერთის მხრივ, საქართველოს ტერიტორიული მთლიანობა და მისი ხელშეუხებლობა, ხოლო მეორე მხრივ, აფხაზეთის ფართო უფლებები.

მუშაობა მიდის - ამაზე ვრცლად ვერაფერს ვიტყვი. მუშაობა აფხაზეთის უმაღლეს საბჭოში მიდის და როცა ამის დრო დადგება, დოკუმენტს ჩვენს საზოგადოებას წარვუდგენთ.

ჩვენ კონსტიტუციას ცალმხრივად ვერ მივიღებთ, მაგრამ წინადადებები უნდა გვქონდეს. ჩვენ აფხაზებს მუდმივად ვეუბნებით, რომ მზად ვართ, გაერთიანების შემთხვევაში ყველაზე ფართო უფლებები მოგანიჭოთ, რაც მსოფლიოშია ცნობილი - ყველაზე მოწინავე ევროპული გამოცდილება. ჩვენ ამ გამოცდილებას ვსწავლობთ, ვიზიტები განხორციელდა ევროპის მთელ რიგ ქვეყნებში, ავტონომიებში, შევხდით იქაურ წარმომადგენლებს. წინ კიდევ ორი ვიზიტია. ასე რომ, არის პროცესი და მიდის მუშაობა.

მას შემდეგ, რაც აფხაზეთის დეოკუპაცია მოხდება, ამ დოკუმენტის შესახებ ფართოდ გახდება ცნობილი“, - განაცხადა ჯემალ გამახარიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024