გუბერნატორის ინფორმაციით, უკრაინელების მიერ კურსკის ოლქის დაბომბვას მსხვერპლი მოჰყვა

კურსკის ოლქში, უკრაინის შეიარაღებული ძალების მიერ განხორციელებული დაბომბვის შედეგად საცხოვრებელ სახლში ხანძარი გაჩნდა, რასაც ერთი ადამიანის სიცოცხლე ემსხვერპლა, - ამის შესახებ რეგიონის ხელმძღვანელი, რომან სტაროვოიტი „ტელეგრამ“ არხზე იუწყება.

„დღეს უკრაინის მხრიდან დაბომბეს გლუშკოვსკის რაიონის სოფელი კულბაკი. ჭურვის პირდაპირი მოხვედრის შედეგად საცხოვრებელ სახლს ცეცხლი გაუჩნდა, ადგილობრივი მცხოვრები ქალი გარდაიცვალა, მისმა ქმარმა კი ძლიერი დამწვრობა მიიღო“, - წერს რომან სტაროვოიტი.

გუბერნატორის ინფორმაციით, დაზარალდა კიდევ ერთი ოჯახი. გარდა ამისა, სოფლის ნაწილს ელექტროენერგიის მიწოდება შეუწყდა.