რუსეთის საჰაერო თავდაცვის სისტემა წუხელ რამენსკის რაიონში უკრაინული დრონი გაანადგურა, რომელიც მოსკოვისკენ მიემართებოდა, - ამის შესახებ დედაქალაქის მერი, სერგეი სობიანინი „ტელეგრამ“ არხზე წერს.

მისი ინფორმაციით, თავდასხმას ზიანი და მსხვერპლი არ მოჰყოლია.

„საჰაერო თავდაცვის ძალებმა რამენსკის ურბანულ რაიონში მოსკოვის მიმართულებით მფრინავი დრონის თავდასხმა მოიგერიეს. ადგილზე, სადაც ნამსხვრევები ჩამოვარდა, წინასწარი მონაცემებით, ზიანი და მსხვერპლი არ ყოფილა. ადგილზე სასწრაფო დახმარების სპეციალისტები მუშაობენ," - აცხადებს მოსკოვის მერი.