ღაზაში ცეცხლის შეწყვეტის შეთანხმებასთან ახლოს არ ვართ, - ამის შესახებ კატარის საგარეო საქმეთა სამინისტროს სპიკერმა, მაჯედ ალ-ანსარიმ განაცხადა.

„ჩვენ ღაზაში ცეცხლის შეწყვეტის შეთანხმებასთან ახლოს არ ვართ, მაგრამ იმედს ვიტოვებთ. ადგილზე შექმნილი სიტუაცია ძალიან რთულია“, - განაცხადა მაჯედ ალ-ანსარიმ.

ალ-ანსარიმ აღნიშნა, რომ კატარი ღაზაში მუდმივი ცეცხლის შეწყვეტის მისაღწევად მუშაობს და არა ზავისთვის, რომელიც რამდენიმე დღე გაგრძელდება.

„რამადანის ფარგლებში შეთანხმების მისაღწევად მუშაობას ყველა მხარე აგრძელებს“, - აღნიშნა კატარის საგარეო საქმეთა სამინისტროს სპიკერმა.