მოლდოვის საგარეო საქმეთა მინისტრი - მოლდოვას 2030 წლამდე შეუძლია ევროკავშირის წევრი გახდეს
მოლდოვას 2030 წლამდე შეუძლია ევროკავშირის წევრი გახდეს, - ამის შესახებ მოლდოვის საგარეო საქმეთა მინისტრმა მიჰაი პოპშოიმ უკრაინულ გამოცემა „ევროპეისკაია პრავდა“-სთან ინტერვიუში განაცხადა.
მისი თქმით, ეს ამბიციური მიზანია, მაგრამ რეალისტური, „ჩვენი დღევანდელი ვითარებისა და რეფორმების სფეროში მიღწევების გათვალისწინებით“.
„ამას გარდა, მოდით გულწრფელები ვიყოთ: მოლდოვა პატარა ქვეყანაა. კი, სიმდიდრესთან დაკავშირებით პრობლემები გვაქვს, ეს ფაქტია. მაგრამ ამ მიზანს მაინც რეალურად ვთვლი. მას რეალურად ვთვლით და იმაზე ვიმუშავებთ, რათა ეს მოხდეს“, - განაცხადა პოპშოიმ.
მან აღნიშნა, რომ მოლდოვა ვერ შეძლებს ისეთ ქვეყნებთან კონკურენციას, რომლებმაც ევროკავშირთან მოლაპარაკებების პროცესი ერთ ან ორ წელიწადში დაასრულა.
„თუმცა სრულიად შესაძლებელია რამდენიმე წელიწადში გამკლავება [მოლაპარაკებებთან], რათა 2030 წლისთვის ევროკავშირის წევრი გავხდეთ”, - განაცხადა პოპშოიმ.
