რუსეთის უშიშროების ფედერალური სამსახური აცხადებს, რომ მამაკაცი დააკავეს, რომელიც უკრაინის დაკვეთით ტერაქტს გეგმავდა.

რუსეთის უშიშროების ფედერალური სამსახურის ცნობით, 61 წლის რუსი მამაკაცი უკრაინის დაკვეთით, ურალის სვერდლოვსკის ოლქში ტრანსციმბირის სარკინიგზო მაგისტრალზე ტერაქტს გეგმავდა.

რუსეთის უშიშროების განცხადებით, კიევის დაზვერვის სამსახურებმა მამაკაცი უკრაინის ქალაქ ლვოვში აიყვანეს და შემდეგ რუსეთში გაგზავნეს. უწყებაში აცხადებენ, რომ ის ბრალდებას აღიარებს და გამოძიებასთან თანამშრომლობს.