20 მარტს, პარლამენტის პლენარულ სხდომაზე ვახტანგ გომელაურს მოუსმენენ
20 მარტს, პარლამენტის პლენარულ სხდომაზე შინაგან საქმეთა მინისტრი ვახტანგ გომელაური მივა.
გომელაურის მოსმენა უკვე ასახულია მიმდინარე კვირის პლენარული სხდომების დღის წესრიგში. შს მინისტრი პარლამენტში “მინისტრის საათის“ ფორმატშია მიწვეული.
მინისტრი სესიაზე უწყების მიერ გაწეული მუშაობის ანგარიშს წარადგენს, რის შემდეგაც დეპუტატების კითხვებს უპასუხებს. ამის შემდეგ პარლამენტის ტრიბუნა დეპუტატების პოლიტიკური განცხადებებით გამოსვლებს დაეთმობა.
