ირაკლი კობახიძე - ე.წ. ვეტინგის თემა ჩვენთვის დახურულია

ე.წ. ვეტინგის თემა, რა თქმა უნდა, ჩვენთვის დახურულია,- ამის შესახებ პრემიერმა, ირაკლი კობახიძემ ჟურნალისტებს ე.წ. ვეტინგზე საუბრისას განუცხადა.

როგორც მან აღნიშნა, ე.წ. ვეტინგის სისტემა შეუსაბამოა საქართველოს კონსტიტუციასთან.

„ე.წ. ვეტინგის თემა, რა თქმა უნდა, ჩვენთვის დახურულია. ეს არის შეუსაბამო საქართველოს კონსტიტუციასთან და არამარტო საქართველოს კონსტიტუციასთან, ზოგადად, კონსტიტუციურ სამართლებრივ პრინციპებთან, სახელმწიფო სუვერენიტეტის პრინციპთან, სასამართლო დამოუკიდებლობის პრინციპთან.

ვენეციის კომისიის მიდგომით თანახმად, ასეთი რამ შესაძლოა განხორციელდეს უკიდურეს გამონაკლის შემთხვევაში, სადაც სახელმწიფო თავად აღიარებს, რომ მას აქვს შეუმდგარი ინსტიტუტები. უკრაინის, მოლდოვის საქმე იყო მაგალითად ამის აღიარება, რომ მას აქვს შეუმდგარი ინსტიტუტები, ამას აქვს მყარი საფუძველიც. მართლა ძალიან სუსტია ინსტიტუტები როგორც უკრაინაში, ისე მოლდოვაში.

საქართველოში, იცით, რომ 2012 წლის შემდგე გვაქვს ფუნდამენტური პროგრესი ყველა მიმართულებით, მათ შორის, განსაკუთრებით სასამართლოს მიმართულებით.

თქვენ იცით, რა მდგომარეობა იყო ქართულ სასამართლოში 2012 წლამდე, ქართული სასამართლო გამოიყენებოდა როგორც რეპრესიული მანქანის ერთ-ერთი მთავარი ინსტრუმენტი. ეს ვითარება შეიცვალა. ეს აისახა სასამართლო სტატისტიკაზეც, სხვა ბევრს ფაქტორზეც. აქედან გამომდინარე, ვერავინ იტყვის, რომ საქართველოში არ არის შემდგარი სახელმწიფო ინსტიტუტები. პირიქით, თუ სადმეა ძლიერი ინსტიტუტები, განსაკუთრებით აღმოსავლეთ ევროპის სივრცეში, ეს არის სწორედ საქართველო, მათ შორის, ეხება ეს საქართველოს“, - აღნიშნა კობახიძემ.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო