ლოიდ ოსტინი იოავ გალანტს პენტაგონში შეხვდება

აშშ-ის თავდაცვის მინისტრი, ლოიდ ოსტინი მომავალ კვირას ისრაელის თავდაცვის მინისტრს, იოავ გალანტს აშშ-ის თავდაცვის დეპარტამენტში უმასპინძლებს, - ინფორმაციას The Times of Israel-ი ავრცელებს.

გამოცემის ცნობით, შეხვედრა ლოიდ ოსტინის მოწვევით გაიმართება.

The Times of Israel-ი წერს, რომ ლოიდ ოსტინსა და იოავ გალანტს შორის დაგეგმილი შეხვედრა არ ეხება შეთანხმებას, რომელსაც აშშ-ის პრეზიდენტმა და ისრაელის პრემიერ-მინისტრმა - ჯო ბაიდენმა და ბენიამინ ნეთანიაჰუმ - სატელეფონო საუბრისას მიაღწიეს და რომელიც ვაშინგტონში ისრაელის მაღალი თანამდებობის პირების გაგზავნას ითვალისწინებს, რათა მხარეებმა ისრაელი-ჰამასის ომში ბოლო დროს განვითარებული მოვლენები განიხილონ.