ირლანდიის პრემიერ-მინისტრი გადადგა
ლეო ვარადკარი ირლანდიის პრემიერ-მინისტრის თანამდებობიდან გადადგა. ამის შესახებ მან სპეციალურ ბრიფინგზე განაცხადა.
ლეო ვარადკარმა განაცხადა, რომ პრემიერ-მინისტრის თანამდებობასთან ერთად იგი პარტია Fine Gael-ის ლიდერის პოსტსაც ტოვებს.
„ჩემი გადადგომის მიზეზები როგორც პირადი, ისე პოლიტიკურია“, - აღნიშნა ვარადკარმა.
ლეო ვარადკარი ირლანდიის პრემიერ-მინისტრის თანამდებობაზე იქამდე დარჩება, სანამ პარტია Fine Gael-ი ახალ ლიდერს აირჩევს. ვარადკარმა პარტიას ახალი ლიდერის არჩევა 6 აპრილს სთხოვა.
ვარადკარის მიერ სამპარტიული კოალიციის ხელმძღვანელის თანამდებობის დატოვება საყოველთაო არჩევნების ავტომატურად დანიშვნას არ გამოიწვევს.
