რუსეთის თავდაცვის სამინისტროს ინფორმაციით, ბელგოროდის ოლქში უკრაინის შეიარაღებული ძალების მიერ გაშვებული RM-70 Vampire-ს ტიპის მრავალჯერადი სარაკეტო სისტემის 10 რაკეტა ჩამოაგდეს.

„აღიკვეთა კიევის რეჟიმის მცდელობა, განეხორციელებინა ტერორისტული თავდასხმა რუსეთის ფედერაციის ტერიტორიაზე მდებარე ობიექტებზე RM-70 Vampire ტიპის მრავალჯერადი სარაკეტო სისტემის გამოყენებით. თავდაცვის სისტემებით ბელგოროდის ოლქში ათი რაკეტა ჰაერში განადგურდა“, - აცხადებენ უწყებაში.

მანამდე, რუსულმა მედიამ გაავრცელა ინფორმაცია, რომ ბელგოროდში სარაკეტო თავდასხმის საფრთხე გამოცხადდა და ქალაქში განგაშის სიგნალისა და აფეთქებების ხმები ისმოდა.