მოსკოვის საკონცერტო დარბაზში სროლის შედეგად ბავშვები დაშავდნენ. ამის შესახებ რუსული საინფორმაციო სააგენტო „რია“ მოსკოვის ოფიციალურ პირზე დაყრდნობით იტყობინება.

მანამდე მედიასთან ანონიმურმა თვითმხილველმა განაცხადა, რომ რამდენიმე ბავშვი და მოზარდი სამეჯლისო ცეკვას ასეულებდა, როდესაც სროლა დაიწყო. ღონისძიებას მათი მშობლებიც ესწრებოდნენ.

„შეჯიბრში ბავშვები და მოზარდები იყვნენ", - განაცხადეს მათ.

შეგახსენებთ, მოსკოვში, "კროკუს სითი ჰოლში" სროლისა და ხანძრის შედეგად, ოფიციალური ცნობებით დაიღუპა 40 და დაშავდა 100-ზე მეტი ადამიანი. რუსეთის უშიშროების სამსახურმა მომხდარი ტერაქტად შეაფასა. დიმიტრი მედვედევმა მომხდართან დაკავშირებულ განცხადებაში კიევი ახსენა და განაცხადა, რომ ტერორისტებს მხოლოდ საპასუხო ტერორიზმი ესმით. მისი თქმით, თუ დადგინდება, რომ ისინი "კიევის რეჟიმის ტერორისტები იყვნენ", მათთან და მათ შთამაგონებლებთან სხვანაირად მოქცევა შეუძლებელია. კიევში აცხადებენ, რომ მომხდართან უკრაინას კავშირი არ აქვს.