"როსგვარდიის" ინფორმაციით, "კროკუს სითი ჰოლზე" თავდამსხმელების ძებნა მიმდინარეობს.

განცხადების თანახმად, "ტერაქტის ადგილზე რუსეთის გვარდიის სპეცდანიშნულების რაზმები მუშაობენ".

"კრიმინალების ძებნა და შენობიდან მოქალაქეების ევაკუაცია მიმდინარეობს.

ჩვენ გულწრფელ სამძიმარს ვუცხადებთ დაღუპულთა ოჯახებს და მეგობრებს" - ნათქვამია განცხადებაში.

რუსეთმა „კროკუს სითი ჰოლზე“ თავდასხმა ტერაქტად შეაფასა.

რუსეთის უსაფრთხოების ფედერალური სამსახურის ცნობებით შედეგად დაღუპულია 40 ადამიანი, დაშავდა 100-ზე მეტი.