ირაკლი ღარიბაშვილი - მატყუარა ტელევიზიებმა გაავრცელეს ინფორმაცია, თითქოს საიდუმლოდ შევხვდი ზურაბ აზარაშვილს, მე დასამალი არაფერი მაქვს - ასევე, ყოფილი მინისტრი, ჭიკაიძე „კახური კლანის“ წარმომადგენლად შერაცხეთ, რატომ გშურთ ადამიანების?
„ქართული ოცნების" თავმჯდომარე, ირაკლი ღარიბაშვილი უარყოფს გავრცელებულ ინფორმაციას, რომ ის საიდუმლოდ შეხვდა ყოფილ ჯანდაცვის მინისტრს ზურაბ აზარაშვილს.
მისივე თქმით, შეხვედრის შესახებ ინფორმატორი კახა ოქრიაშვილი იყო.
„მატყუარა ტელევიზიებმა გაავრცელეს ინფორმაცია, რომ მე თითქოს საიდუმლოდ შევხვდი ჩემს ყოფილ კოლეგას და მინისტრს, ჩემს მეგობარს ზურაბ აზარაშვილს. მინდა საზოგადოებას ავუხსნა, რომ ქართველი ხალხის მძარცველი კახა ოქრიაშვილი იყო იმ ადგილზე. მან ჩაიწერა ეს კადრები. ამ კონკრეტული ფაქტის ინფორმატორი იყო. მან გამოიძახა „ტვ პირველის“ მანქანა, რომელიც შევნიშნე და წამოვედი. მე დასამალი არაფერი მაქვს“, - აღნიშნა ღარიბაშვილმა.
ამასთან, მან ჟურნალისტებთან ყოფილი შინაგან საქმეთა მინისტრის, ალექსანდრე ჭიკაიძის ბიზნესსაქმიანობასთან დაკავშირებით დასმულ კითხვასაც უპასუხა.
„გუშინ, ერთ-ერთ სიუჟეტში ჩემი მეგობარი, ყოფილი მინისტრი, ჭიკაიძე მოიხსენიეთ, რომელიც ხან "კახური კლანის" წარმომადგენლად შერაცხეთ, საერთოდ სად არის კლანი, ამდენი ხანი, რომ საუბრობთ? კაცი 10 წლის წინ იყო მინისტრი. ე.ი. უნარიანი კაცია, მოახერხა. რატომ გშურთ ადამიანების, რატომ ებრძვით წარმატებულ ადამიანებს. რაიმე უკანონო გააკეთა? იგივე ერთ-ერთ ბიზნესმენზე, ნამორაძეზეც საუბრობთ... რას აშავებს ეს კაცი? აშენებს, ხომ არ ანგრევს?
თქვენ ვინც არ გიხდით ფულს, იმ ბიზნესმენებს ესხმით თავს. თავმოყვარე ბიზნესმენი ვინც გადაგიხდით ფულს თქვენზე ამორალური გახდება“, - აღნიშნა ღარიბაშვილმა.
v-if="article.gallery" v-html="article.gallery"
