რუსეთის საგამოძიებო კომიტეტი „კროკუს სითი ჰოლზე“ განხორციელებული თავდასხმის საქმეზე კიდევ სამი ეჭვმიტანილის დაკავებას მოითხოვს. ამის შესახებ ინფორმაციას სააგენტო AFP-ი ავრცელებს.

AFP-ის ცნობით, რუსმა პროკურორებმა მოსკოვის სასამართლოს კიდევ სამი ადამიანის დაკავების თხოვნით მიმართეს.

ეჭვმიტანილები ერთი ოჯახის წევრები არიან.

შეგახსენებთ, „კროკუს სითი ჰოლზე“ განხორციელებულ თავდასხმაში ბრალდებულ ოთხ პირს მოსკოვის სასამართლომ აღკვეთის ღონისძიების სახით პატიმრობა 22 მაისამდე შეუფარდა.