ქალაქ ბალტიმორში ხიდის ჩანგრევის შემდეგ მერილენდის შტატის გუბერნატორმა საგანგებო მდგომარეობა გამოაცხადა

ქალაქ ბალტიმორში ხიდის ჩანგრევის შემდეგ მერილენდის შტატის გუბერნატორმა საგანგებო მდგომარეობა გამოაცხადა, - ამის შესახებ ინფორმაციას CNN-ი ავრცელებს.

„ჩვენ იმ მამაცი მამაკაცების და ქალების მადლობელი ვართ, რომლებიც სამაშველო ოპერაციაში მონაწილეობენ და ყველას უსაფრთხოებისთვის ვლოცულობთ“, - განაცხადა მერილენდის შტატის გუბერნატორმა, ვეს მურმა.

ბალტიმორის სახანძრო სამსახურის უფროსმა, ჯეიმს უოლასმა განაცხადა, რომ დილით, წყლიდან ორი ადამიანი ამოიყვანეს, რომელთაგან ერთი მძიმე მდგომარეობაშია და საავადმყოფოში გადაიყვანეს.

„ჩვენ ამ ეტაპზე ძალიან აქტიურ სამძებრო-სამაშველო ოპერაციის მდგომარეობაში ვართ“, - აღნიშნა ჯეიმს უოლასმა.