უკრაინის სამხედრო-საზღვაო ძალების განცხადებით, ოკუპირებულ ყირიმში შაბათ-კვირის სარაკეტო თავდასხმის შედეგად ოთხი რუსული საზღვაო ხომალდი დააზიანეს.

უკრაინის შეიარაღებულმა ძალებმა ადრე განაცხადა, რომ შაბათ-კვირის განმავლობაში განხორციელებულმა თავდასხმის შედეგად ორი სადესანტო ხომალდი: „იამალი“ და „აზოვი“ დააზიანეს.

„უკრაინის თავდაცვის ძალებმა (ასევე) წარმატებით დააზიანა ხომალდი „ივან ხურსი“ და დიდი სადესანტო ხომალდი „კონსტანტინე ოლშანსკი““, - აღნიშნულია სამხედრო-საზღვაო ძალების განცხადებაში.

უკრაინა აცხადებს, რომ ომის დაწყებიდან რუსეთის შავი ზღვის ფლოტის დაახლოებით მესამედი გაანადგურეს.