კაია კალასი - მზად ვართ ნატო-ს გენერალური მდივნის თანამდებობაზე მხარი როგორც მარკ რუტეს, ისე კლაუს იოჰანისის კანდიდატურას დავუჭიროთ
მზად ვართ ნატო-ს გენერალური მდივნის თანამდებობაზე მხარი როგორც მარკ რუტეს, ისე კლაუს იოჰანისის კანდიდატურას დავუჭიროთ, - ამის შესახებ ესტონეთის პრემიერ-მინისტრმა, კაია კალასმა განაცხადა.
კაია კალასის ცნობით, ესტონეთის მთავრობა ორივე კანდიდატს, ნიდერლანდების პრემიერ-მინისტრს, მარკ რუტესა და რუმინეთის პრეზიდენტს, კლაუს იოჰანისს შეხვდა.
„ჩვენი შეხედულებები გამოვხატეთ. აღვნიშნეთ, რომ არასწორად მიგვაჩნია ის, რომ ჩვენი რეგიონის არც ერთი წარმომადგენელი ალიანსში მაღალ თანამდებობას არ იკავებს“, - განაცხადა კაია კალასმა.
ესტონეთის პრემიერ-მინისტრმა აღნიშნა, რომ მარკ რუტე კოალიციურ მთავრობებს დიდი ხნის განმავლობაში ხელმძღვანელობდა და მას კომპრომისების მიღწევის გამოცდილება აქვს.
„ასევე, ჩვენ 2%-თან დაკავშირებით შეშფოთება გამოვთქვით, ვესაუბრეთ რუტეს, თუ როგორ შეძლებს სხვა სახელმწიფოების მეთაურების დარწმუნებას. ნამდვილად, ჩვენ მზად ვართ მხარი ორივე კანდიდატს დავუჭიროთ“, - აღნიშნა კაია კალასმა.
v-if="article.gallery" v-html="article.gallery"
