გიორგი გახარიამ რა თქვა, რომ „ოცნება“ [არჩევნებში] ვერ გაიმარჯვებს? - დღევანდელ მოცემულობაში, რომ პოლიტიკოსი ამ განცხადებას აკეთებს - ან სერიოზული პრობლემები აქვს ან რეალურად ვერ აღიქვამს რა ხდება ქვეყანაში, - ამის შესახებ „ქართული ოცნების” გენერალურმა მდივანმა, კახა კალაძემ განაცხადა.

მისივე შეფასებით, პარტია „საქართველოს” დამფუძნებელი, გიორგი გახარია „რეალობასთან ძალიან აცდენილია” „გახარიამ რა თქვა, რომ “ოცნება” [არჩევნებში] ვერ გაიმარჯვებს? ამ განცხადებებზე რა კომენტარი უნდა გავაკეთო. დღევანდელ მოცემულობაში, რომ პოლიტიკოსი ამ განცხადებას აკეთებს. ნუ, ერთი რამ ცხადია. ან სერიოზული პრობლემები აქვს ან რეალურად ვერ აღიქვამს რა ხდება ქვეყანაში და რეალობასთან ძალიან აცდენილია. ეს არის ჩემი პასუხი. გუნდში ზოგადად ძალიან ბევრ რამეზე მიმდინარეობს მსჯელობა, საუბარი. ამ ყველაფრის სააშკარაოზე გამოტანა, მე არ მიმაჩნია სწორად და საჭიროდ არ ვთვლი. თუ მას აქვს სურვილი ისაუბროს რაღაცებზე, შეიძლება რაღაცები ტყუილი იყოს, შეიძლება რაღაცები მოიგონოს. მე ნამდვილად არ მაქვს სურვილი ამ თემაში შევიდე”, - აღნიშნა კალაძემ.