ისრაელის თავდაცვის ძალების განცხადებით, ღაზის სექტორის ალ-შიფას საავადმყოფოში „ჰამასის“ წინააღმდეგ ოპერაცია გრძელდება.
ამასთან, ისრაელის თავდაცვის ძალებში აცხადებენ, რომ საჰაერო თავდასხმები განახორციელეს ღაზის ქალაქ რამალაში რამდენიმე შენობაზე, რომელსაც „ჰამასი“ ტანკსაწინააღმდეგო რაკეტების გასაშვებად იყენებდა.
თავდასხმის დროს „ჰამასის“ სულ მცირე ერთი წევრი დაიღუპა.
ღაზის სექტორის ცენტრალურ ნაწილში ისრაელის „ნაჰალის“ ბრიგადამ, გასული დღის განმავლობაში, სულ მცირე 15 შეიარაღებული ადამიანის ლიკვიდაცია განახორციელა, მათ შორის სნაიპერული ცეცხლით და საჰაერო თავდასხმებით.
ბრძოლები ასევე გრძელდება ღაზის სექტორის სამხრეთ ნაწილში. ისრაელის თავდაცვის ძალების ცნობით, ხან იუნისში რამდენიმე შეიარაღებული პირის ლიკვიდაცია განახორციელეს და ტერორისტული ჯგუფების კუთვნილი ადგილები გაანადგურეს. ამასთან, ხან იუნისის ალ-ამალის რაიონში, ისრაელის ჯარებმა, გასული დღის განმავლობაში, „ჰამასის“ კიდევ რამდენიმე წევრის ლიკვიდაცია განახორციელეს.
ისრაელის თავდაცვის ძალების ცნობით, გასული დღის განმავლობაში, შეიარაღებულმა ძალებმა ასევე დაარტყა დაახლოებით 80 სამიზნეს ღაზის სექტორში, მათ შორის შენობებსა და ინფრასტრუქტურას, რომლებსაც ტერორისტული ჯგუფები იყენებდნენ.
