ისრაელის საგარეო საქმეთა მინისტრი, ისრაელ კაცი თურქეთის ადგილობრივ არჩევნებს ეხმაურება და თურქეთის პრეზიდენტ რეჯეფ თაიფ ერდოღანს ისრაელის მიმართ მისი პოზიციის გამო აკრიტიკებს.

ისრაელ კაცი სტამბოლის მოქმედ მერს, ეკრემ იმამოღლუს და ანკარის მერს, მანსურ იავასს, არჩევნებში გამარჯვებას ულოცავს. მედიის ინფორმაციით, მათმა პარტიამ - „სახალხო რესპუბლიკურმა პარტიამ“ თურქეთის 81 პროვინციიდან 36-ში გაიმარჯვა.

„ეს არის მკაფიო გზავნილი რეჯეფ თაიფ ერდოღანისთვის. ისრაელზე თავდასხმა აღარ მუშაობს, იპოვეთ ახალი მასალები“, - წერს ისრაელ კაცი.