მაკა ბოჭორიშვილი მოსწავლე-ახალგაზრდებს შეხვდა
პარლამენტის ევროპასთან ინტეგრაციის კომიტეტის თავმჯდომარე მაკა ბოჭორიშვილმა გლდანი-ნაძალადევის რაიონის 15 სკოლის 30-მდე მოსწავლესთან საჯარო ლექცია გამართა.
პარლამენტის პრესსამსახურის ინფორმაციით, შეხვედრის ძირითადი თემა საქართველო-ევროკავშირის ურთიერთობები, თანამშრომლობის ისტორია და მიმართულებები, ასევე ევროკავშირის გაფართოების პოლიტიკა იყო.
როგორც ინფორმაციაშია აღნიშნული, მაკა ბოჭორიშვილმა საქართველო-ევროკავშირის ურთიერთობების დინამიკაზე, საქართველოსთვის ევროპული საბჭოს 2023 წლის 14 დეკემბრის გადაწყვეტილების ისტორიულ მნიშვნელობასა და კანდიდატის სტატუსის მინიჭებით შექმნილ ახალ პერსპექტივებზე ისაუბრა.
„შეხვედრისას ევროპასთან ინტეგრაციის კომიტეტის თავმჯდომარემ, დისკუსიის ფარგლებში, ახალგაზრდების მიერ დასმულ შეკითხვებს უპასუხა.
მოსწავლე-ახალგაზრდები საქართველოს პარლამენტში ევროპასთან ინტეგრაციისა და განათლების, მეცნიერებისა და ახალგაზრდულ საქმეთა კომიტეტების ინიციატივით ორგანიზებულ საგანმანათლებლო პროექტის - „საქართველო და ევროკავშირის" ფარგლებში იმყოფებიან“, - ნათქვამია ინფორმაციაში.
v-if="article.gallery" v-html="article.gallery"
