ნატო-ში აშშ-ის ელჩის, ჯულიან სმიტის განცხადებით, აშშ უკრაინის მიერ რუსეთის ტერიტორიაზე თავდასხმებს მხარს არ უჭერს.

„რაც შეეხება რუსეთის ტერიტორიაზე მდებარე სამიზნეებზე თავდასხმებს, აშშ ამას მხარს განსაკუთრებით არ უჭერს. ჩვენ ორიენტირებული ვართ უკრაინელების უფლებაზე, რომ თავიანთი ტერიტორია დაიცვან და თავიანთი ტერიტორიიდან რუსები განდევნონ, სადაც უკრაინელებმა მნიშვნელოვან წარმატებებს მიაღწიეს", - განაცხადა ნატო-ში აშშ-ის მუდმივმა წარმომადგენელმა, ჯულიან სმიტმა.

ჯულიან სმიტმა აღნიშნა, რომ აშშ-ის მთავრობა კონგრესს კვლავ მოუწოდებს, რომ უკრაინის დახმარების შესახებ კანონპროექტი მიიღოს.