რუსეთის საჰაერო თავდაცვის ქვედანაყოფებმა როსტოვის ოლქის მოროზოვსკის რაიონში 40-ზე მეტი სამიზნე გაანადგურეს, - ინფორმაციას რუსული მედია როსტოვის გუბერნატორზე, ვასილ გოლუბევზე დაყრდნობით ავრცელებს.

„წინასწარი მონაცემებით, გაანადგურეს 40-ზე მეტი სამიზნე როსტოვის ოლქის მოროზოვსკის რაიონში“, - წერს გუბერნატორი „ტელეგრამ“ არხზე.

მანამდე, რეგიონის ხელმძღვანელმა განაცხადა, რომ საჰაერო თავდაცვის ქვედანაყოფები ოლქში უპილოტო საფრენი აპარატების მასიურ შეტევას იგერიებდნენ.

„თავდასხმის შედეგად დაზიანდა ელექტრო ქვესადგური. მიმდინარეობს მუშაობა ელექტრომომარაგების აღსადგენად", - წერს გოლუბევი.