ევროპის საბჭოს საპარლამენტო ასამბლეის მონიტორინგის თანამომხსენებლები საქართველოს საკითხებში კლოდ კერნი და ედიტე ესტრელა საქართველოს მმართველი პარტიის მიერ „უცხოური გავლენის გამჭვირვალობის შესახებ“ კანონპროექტის ხელახლა ინიცირებებას ეხმაურებიან და ხელისუფლებას მისი დღის წესრიგიდან მოხსნისკენ მოუწოდებენ.

„ამ ე.წ. უცხოური აგენტების შესახებ კანონის ხელახალი წარდგენა, რომლის გაწვევასაც შარშან ჩვენ თბილად მივესალმეთ, ღრმა შეშფოთებას იწვევს. ის, რაც ჩვენ ვთქვით ამ კანონის პირველად წარდგენისას, ძალაში რჩება: არსებობს სერიოზული კითხვები ევროპის დემოკრატიულ და ადამიანის უფლებათა სტანდარტებთან და ნორმებთან კანონპროექტის შესაბამისობასთან დაკავშირებით. ამიტომ, მოვუწოდებთ ხელისუფლებას, ამოიღონ ეს კანონპროექტი პარლამენტის დღის წესრიგიდან“, - აცხადებენ თანამომხსენებლები.