ისეთ დროს, როცა საქართველოს სჭირდება მეტი თანამშრომლობა ევროპასთან იმისათვის, რომ ეკონომიკა გავაძლიეროთ, კობახიძეს ახლა გერმანიაში ჩასვლა მხოლოდ და მხოლოდ საყვედურების მისაღებად მოუწევს, - ამის შესახებ „ერთიანი ნაციონალური მოძრაობის“ საგარეო ურთიერთობის მდივნის მოადგილემ, ალექსანდრე კრევო ასათიანმა საქართველოს პრემიერ-მინისტრის, ირაკლი კობახიძის გერმანიაში ვიზიტთან დაკავშირებით განაცხადა.

მისივე თქმით, „საქართველო ამ ხელისუფლების პირობებში ვერ ეღირსა ისეთ მთავრობას, რომელიც ქვეყნის ეკონომიკურ განვითარებაზე იმუშავებს“.

„ისეთ დროს, როცა საქართველოს სჭირდება მეტი თანამშრომლობა ევროპასთან იმისათვის, რომ ეკონომიკა გავაძლიეროთ, ინვესტიციები შემოვიტანოთ და ერთად შევქმნათ მაღალანაზღაურებადი სამუშაო ადგილები საერთაშორისო კომპანიებთან ერთად, კობახიძეს ახლა მოუწევს ჩასვლა გერმანიაში მხოლოდ საყვედურების მისაღებად. ტრაგიკულია, რომ საქართველო ამ ხელისუფლების პირობებში ვერ ეღირსა ისეთ მთავრობას, რომელიც ჩვენს ეკონომიკურ განვითარებაზე იმუშავებს“,- ამის შესახებ ალექსანდრე კრევო ასათიანმა განაცხადა.

ინფორმაციას პარტია „ნაციონალური მოძრაობა“ ავრცელებს.