შვეიცარიაში „მშვიდობის სამიტი“ შესაძლოა 16-17 ივნისს ჩატარდეს, - ამის შესახებ ინფორმაციას Bloomberg-ი ოფიციალურ წყაროებზე დაყრდნობით ავრცელებს.

Bloomberg-ის ცნობით, „მშვიდობის სამიტი“, რომლის მასპინძლობასაც შვეიცარია უკრაინის თხოვნით დათანხმდა, ივნისის შუა რიცხვებში ჩატარდება, თუმცა ჯერჯერობით უცნობია რამდენი სახელმწიფოს ლიდერი დაესწრება.

მოსალოდნელია, რომ შვეიცარიაში გასამართ „მშვიდობის სამიტზე“ 100-მდე სახელმწიფოს მიიწვევენ, რომელთა უმეტესობა ე.წ. გლობალური სამხრეთიდან იქნება.

„უკრაინის, რუსეთისა და ევროპის პერსპექტივების გარდა, მნიშვნელოვანია გლობალური სამხრეთის მოსმენაც, რომელიც ამ პროცესში რუსეთის საბოლოო ჩართვაში გადამწყვეტ როლს ითამაშებს. ამიტომ, ჩვენ ჩინეთთან, ინდოეთთან, ბრაზილიასთან, სამხრეთ აფრიკასთან და საუდის არაბეთთან მჭიდრო კონტაქტში ვართ“, - განაცხადა შვეიცარიის საგარეო საქმეთა სამინისტროს წარმომადგენელმა.