რუსეთის საგარეო საქმეთა სამინისტროს წარმომადგენელი - ნატო უკრაინის კონფლიქტში ბლოკის ჩართვის საფრთხეს აცნობიერებს
რუსეთის ფედერაცია იმედოვნებს, რომ უკრაინაში ჯარების გაგზავნის საკითხთან დაკავშირებით ნატო-ში საღი აზრი და თვითგადარჩენის ინსტინქტი გაიმარჯვებს, - ამის შესახებ რუსეთის საგარეო საქმეთა სამინისტროს დსთ-ს ქვეყნების მეორე დეპარტამენტის ხელმძღვანელმა ალექსეი პოლიშჩუკმა განაცხადა.
„თუ უკრაინაში დასავლური ჯარები გამოჩნდება, ნატო-სა და რუსეთს შორის პირდაპირი შეიარაღებული დაპირისპირების რისკი რამდენჯერმე გაიზრდება. ჩვენ არ გვინდა ასეთი განვითარება. ვიმედოვნებთ, რომ საღი აზრი და თვითგადარჩენის ინსტინქტი საბოლოოდ გაიმარჯვებს დასავლეთში“, - აღნიშნა ალექსეი პოლიშჩუკმა.
მისივე თქმით, ნატო-ს ზოგიერთი ქვეყნის მცდელობის მიუხედავად გამოიყენონ ალიანსი რუსეთთან დაპირისპირების ინსტრუმენტად, მისი ხელმძღვანელობის განცხადებებით თუ ვიმსჯელებთ, „აცნობიერებს უკრაინის კონფლიქტში ბლოკის ჩართვის პოტენციურ საფრთხეს და ცდილობს დისტანციის შენარჩუნებას“.
v-if="article.gallery" v-html="article.gallery"
